સપ્તાહના ત્રીજા દિવસે એટલે કે બુધવારે ભારતીય શેરબજારમાં જબરદસ્ત વધઘટ જોવા મળી હતી. આજે, સેન્સેક્સ ૮૦,૨૩૭.૮૫ પોઈન્ટ પર ખુલ્યો હતો અને ટ્રેડિંગ દરમિયાન તે ૭૯,૮૨૧.૯૯ પોઈન્ટની ઈન્ટ્રાડે હાઈથી ૮૦,૪૩૫.૬૧ પોઈન્ટની ઈન્ટ્રાડે હાઈ પર ગયો હતો. એ જ રીતે, ૨૪,૩૭૧.૪૫ પોઈન્ટ પર ખૂલ્યા બાદ, નિફ્ટી ૫૦ પણ ઈન્ટ્રા-ડે ૨૪,૩૦૭.૩૦ પોઈન્ટની નીચી સપાટીથી ૨૪,૪૯૮.૨૦ પોઈન્ટની ઈન્ટ્રાડે હાઈ પર પહોંચ્યો હતો.
આજે શેરબજારમાં જોરદાર રિકવરી જોવા મળી હતી જે લાલ નિશાનમાં ખુલી હતી પરંતુ અંતે ફરી એકવાર વેચવાલીનો દબદબો રહેતા બજાર ખોટમાં આવ્યું હતું અને મોટા ઘટાડા સાથે લાલ નિશાનમાં બંધ થયું હતું. બુધવારે મ્જીઈ સેન્સેક્સ ૪૨૬.૮૫ પોઈન્ટના ઘટાડા સાથે ૭૯,૯૪૨.૧૮ પોઈન્ટ પર બંધ થયો હતો. એ જ રીતે નિફ્ટી ૫૦ પણ ૧૨૬.૦૦ પોઈન્ટના ઘટાડા સાથે ૨૪,૩૪૦.૮૫ પોઈન્ટની સપાટીએ બંધ રહ્યો હતો.
ટ્રેડિંગના અંતે સેન્સેક્સની ૩૦ કંપનીઓમાંથી ૧૧ કંપનીઓના શેર લીલા નિશાનમાં અને ૧૯ કંપનીઓના શેર લાલ નિશાનમાં હતા. બીજી તરફ નિફ્ટી ૫૦ની ૫૦માંથી ૧૯ કંપનીઓના શેર લીલા નિશાનમાં અને ૩૧ કંપનીઓના શેર લાલ નિશાનમાં નુકસાન સાથે બંધ થયા હતા.
સેન્સેક્સ કંપનીઓમાં મારુતિ સુઝુકીના શેર આજે સૌથી વધુ ૧.૯૨ ટકાના વધારા સાથે બંધ થયા હતા, જ્યારે ઇન્ફોસિસના શેર સૌથી વધુ ૨.૦૧ ટકાના ઘટાડા સાથે બંધ થયા હતા. ઇન્ડસઇન્ડ બેન્કના શેર ૧.૮૧ ટકા, અદાણી પોર્ટ્સ ૧.૬૯ ટકા, લાર્સન એન્ડ ટુબ્રો ૦.૭૭ ટકા,આઇટીસી ૦.૭૨ ટકા, અલ્ટ્રાટેક સિમેન્ટ ૦.૭૧ ટકાના વધારા સાથે બંધ થયા હતા આઇસીઆઇસી બેન્કના શેર ૧.૫૨ ટકા, કોટક મહિન્દ્રા બેન્ક ૧.૩૨ ટકા, મહિન્દ્રા એન્ડ મહિન્દ્રા ૧.૨૮ ટકા, સ્ટેટ બેન્ક ઓફ ઇન્ડિયા ૧.૨૩ ટકા,એચસીએલ ટેક ૧.૨૦ ટકા, એક્સિસ બેન્ક ૧.૧૩ ટકાના ઘટાડા સાથે બંધ થયા હતા.
