શ્રાવણ માસના અંતિમ દિવસે સાવરકુંડલા શહેરમાં ભગવાન શિવની ભવ્ય પાલખીયાત્રા નીકળી હતી. આ યાત્રા શહેરના મુખ્ય માર્ગો પર ફરી હતી અને મોટી સંખ્યામાં ભક્તોએ આ દિવ્ય દર્શનનો લાભ લીધો હતો. રિધ્ધિ સિધ્ધિનાથ મહાદેવજી મંદિર ખાતે પરંપરા મુજબ દર વર્ષની જેમ આ વર્ષે પણ રુદ્રગણ (ધૂન મંડળ) દ્વારા આખા શ્રાવણ માસ દરમિયાન શિવજીની ધૂન લેવામાં આવી હતી. માસના છેલ્લા દિવસે આ ધાર્મિક ઉત્સવની પરાકાષ્ઠા રૂપે પાલખીયાત્રાનું આયોજન
આભાર – નિહારીકા રવિયા કરવામાં આવ્યું હતું. યાત્રા દરમિયાન એક આકર્ષક દૃશ્ય જોવા મળ્યું હતું, જેમાં નાના બાળકોએ ભગવાન શિવની વેશભૂષા ધારણ કરી હતી. આ ઉપરાંત, દર વર્ષની જેમ આ વર્ષે પણ સ્થાનિક નિવાસી ગઢિયાભાઈએ નંદી મહારાજનો વેશ ધારણ કર્યો હતો, જે યાત્રાનું એક મુખ્ય આકર્ષણ બની રહ્યું હતું. આ પાલખીયાત્રાએ શહેરના ધાર્મિક વાતાવરણને વધુ ઉત્સાહિત કર્યું હતું.
