સાવરકુંડલા શહેરમાં પ. પૂ. શ્રી કાનજીબાપુની ૬૨મી પૂણ્યતિથીની સેવક સમુદાય દ્વારા ભારે આસ્થાભેર ઉજવણી કરવામાં આવી હતી. આ પ્રસંગે વિવિધ ધાર્મિક કાર્યક્રમો યોજાયા હતા. જે પૈકી સવારે ભારે ઉમંગ અને ઉત્સાહ સાથે ભવ્યાતિભવ્ય શોભાયાત્રા નીકળી હતી. આ પ્રસંગે સેવકગણ દ્વારા શહેરના મુખ્ય માર્ગો પર શોભાયાત્રા નીકળી હતી. આ શોભાયાત્રાના દર્શન કરવા શહેરીજનો પણ ઉમટી પડ્યા હતાં.
આ પ્રસંગે ગતરોજ સન્માન સમારંભ તેમજ રાત્રે સંતવાણીનો ભવ્ય કાર્યક્રમ યોજાયો હતો. સમગ્ર કાર્યક્રમ પ. પૂ. શ્રી કાનજીબાપુના સેવકો દ્વારા ભારે ઉમંગ અને ઉત્સાહ સાથે ભવ્યાતિભવ્ય ઉજવણી કરવામાં આવી હતી.
