સુરેન્દ્રનગરમાં એસએમસી(સ્ટેટ મોનીટરિંગ સેલ)ના અધિકારીઓેએ દારૂમનો મસમોટો જથ્થો ઝડપી પાડ્યો છે.એસએમસીની ટીમને માહિતી મળી હતી કે ચોટીલાના નવા વિલેજ કમલેશભાઈ ભીમજીભાઈ ઢોલાના ફાર્મમાં દારૂનો જથ્થો રાખવામાં આવ્યો છે. આ માહિતીને આધારે પોલીસે અહીં દરોડો પાડ્યો હતો. અહીંથી પોલીસે રૂ.૩૧,૦૨,૨૪૩ ની કિંમતની વિદેશી દારૂની ૫૪૩૩ બોટલો કબજે કરી હતી. તે સિવાય ૩ વાહનો પણ કબજે કર્યા હતા. આમ પોલીસે દારૂનો જથ્થો અને વાહનો મળીને કુલ રૂ. ૬૬,૦૯,૨૪૩ નો મુદ્દામાલ કબજે કર્યો હતો.પોલીસે આ કેસમાં ચોટીલાના નવા ગામના રહેવાસી વિજય એમ,ચૌહાણની ધરપકડ કરી હતી. જ્યારે દારૂ મંગાવનાર અને કટીંગ કરનારા શખ્સ ઉપરાંત વાહનોના માલિકો અને દારૂનો જથ્થો મોકલનારા શખ્સો મળીને કુલ ૧૦ આરોપીઓ સામે ગુનો નોંધીને તેમની શોધ હાથ ધરી છે.
