તમિલ ભાષા પર ચાલી રહેલા ભાષા વિવાદ વચ્ચે પીએમ મોદી તમિલનાડુની મુલાકાતે છે. અહીં તેમણે ઘણા પ્રોજેક્ટ્સ પણ શરૂ કર્યા. જાકે, તમિલનાડુના સીએમ એમકે સ્ટાલિન તેમના કાર્યક્રમમાં હાજર રહ્યા ન હતા. તમિલનાડુના મુખ્યમંત્રી એમકે સ્ટાલિને કહ્યું કે વડા પ્રધાન મોદીએ પ્રસ્તાવિત
સીમાંકન પ્રક્રિયા અંગે રાજ્યના લોકોના ડરને દૂર કરવો જાઈએ. સીએમ સ્ટાલિને એક સત્તાવાર કાર્યક્રમને સંબોધતા કહ્યું કે, મોદીએ એ પણ સુનિશ્ચિત કરવું જાઈએ કે સંસદમાં એક ઠરાવ પસાર થાય જેથી તમિલનાડુના અધિકારો પર કાપ ન આવે.
તમિલનાડુના મુખ્યમંત્રી એમકે સ્ટાલિને અનેક પ્રોજેક્ટ્સનું ઉદ્ઘાટન કર્યું અને લોકપ્રિય પર્યટન સ્થળ માટે નવી યોજનાઓની જાહેરાત કરી. બાદમાં, સભાને સંબોધતા, સીએમ સ્ટાલિને કહ્યું કે તેમણે પ્રસ્તાવિત સીમાંકન સંબંધિત ચિંતાઓ પર મેમોરેન્ડમ સુપરત કરવા માટે વડા પ્રધાનને મળવાનો સમય માંગ્યો છે. સભાને સંબોધતા તેમણે કહ્યું, “અમે સીમાંકન અંગે મેમોરેન્ડમ રજૂ કરવા માટે સમય માંગ્યો છે. હું આ સરકારી કાર્યક્રમમાં હાજરી આપી રહ્યો હોવાથી, મેં તેમને તેમની બેઠકમાં હાજરી આપવા માટે મારી અસમર્થતા જણાવી છે. મેં મારા મંત્રીઓ – ટી. થેન્નારાસુ અને રાજા કન્નપ્પનને આ કાર્ય માટે મોકલ્યા છે. આ બેઠક દ્વારા, હું વડા પ્રધાનને સીમાંકન અંગેની શંકાઓ દૂર કરવા વિનંતી કરું છું.
સીએમ સ્ટાલિને કહ્યું, “તમારે (મોદી) એ પણ સુનિશ્ચિત કરવું જાઈએ કે આ સંદર્ભમાં સંસદમાં ઠરાવ પસાર થાય. આ (સીમાંકન) સંસદીય બેઠકો ઘટાડશે, તેથી તે વિશે પૂછવાનો અમારો અધિકાર છે. ઉપરાંત, તે આપણા ભવિષ્ય માટે પણ ચિંતાનો વિષય છે.” તેમણે કહ્યું, “અહીં પુડુચેરી સહિત ૪૦ સંસદીય બેઠકો હશે. પરંતુ (કેન્દ્રમાં) સત્તામાં રહેલી ભાજપ સરકાર સીમાંકન દ્વારા અમારા અવાજને દબાવવાનો પ્રયાસ કરી રહી છે.” સ્ટાલિને જણાવ્યું હતું કે ૨૨ માર્ચે ચેન્નાઈમાં વાજબી સીમાંકન પર સંયુક્ત કાર્યવાહી સમિતિની બેઠક યોજાઈ હતી, જેમાં દેશભરના મુખ્યમંત્રીઓ, નાયબ મુખ્યમંત્રીઓ અને વિવિધ રાજકીય વિચારધારાઓનું પ્રતિનિધિત્વ કરતા અગ્રણી નેતાઓએ હાજરી આપી હતી.
