હરિયાણામાં કોંગ્રેસ સાથે ‘ સાવરણી’ ન આવી, આપે ૨૦ ઉમેદવારોની પ્રથમ યાદી જાહેર કરી

(એ.આર.એલ),નવીદિલ્હી,તા.૯
આમ આદમી પાર્ટી અને કોંગ્રેસ વચ્ચે ગઠબંધનને લઈને ચાલી રહેલી વાતચીત પર બ્રેક લાગી ગઈ છે. આમ આદમી પાર્ટીએ હરિયાણા માટે ૨૦ ઉમેદવારોની પ્રથમ યાદી જાહેર કરી છે. સોમવારે સવારે આમ આદમી પાર્ટીએ કોંગ્રેસને કહ્યું હતું કે જા કોંગ્રેસ સાંજ સુધી નિર્ણય નહીં લે તો અમે યાદી જાહેર કરીશું. કોંગ્રેસ તરફથી ગઠબંધન અંગે કોઈ સંકેત ન મળતાં કેજરીવાલની પાર્ટીએ તેના ઉમેદવારોના નામ જાહેર કર્યા.
આમ આદમી પાર્ટીના રાજ્ય એકમના વડા સુશીલ ગુપ્તાએ સોમવારે જણાવ્યું હતું કે જા કોંગ્રેસ વિધાનસભા ચૂંટણી માટે તેની સાથે જાડાણને અંતિમ સ્વરૂપ આપવામાં નિષ્ફળ જશે તો પાર્ટી તમામ ૯૦ બેઠકો માટે ઉમેદવારોની જાહેરાત કરશે. નોંધનીય છે કે હરિયાણાની ચૂંટણી માટે નામાંકન ભરવાની છેલ્લી તારીખ ૧૨ સપ્ટેમ્બર છે. ૫ ઓક્ટોબરે ચૂંટણી યોજાશે.
આપના વરિષ્ઠ નેતા સંજય સિંહે જણાવ્યું હતું કે ગુપ્તા અને મહાસચિવ (સંગઠન) સંદીપ પાઠક સહિતના પક્ષના નેતાઓએ પહેલા જ કહ્યું હતું કે ઉમેદવારોના નામોને અંતિમ રૂપ આપવાની પ્રક્રિયા પૂર્ણ થઈ ગઈ છે અને પાર્ટીના રાષ્ટÙીય સંયોજક (અરવિંદ) કેજરીવાલની મંજૂરી મળતાં જ તેઓને મંજૂરી મળી જશે. થી, પાર્ટી ચૂંટણી લડવા તૈયાર થશે.