ટ્રમ્પ વહીવટીતંત્રે તાજેતરમાં હાર્વર્ડ યુનિવર્સિટી માટે મંજૂર કરાયેલ ૨.૨ બિલિયન ફેડરલ ગ્રાન્ટ અને લગભગ ૬૦ મિલિયનના કરારને અટકાવી દીધો છે. હવે હાર્વર્ડ યુનિવર્સિટી પણ સરકારનો સામનો કરવાના મૂડમાં હોય તેવું લાગે છે. હકીકતમાં, હાર્વર્ડ યુનિવર્સિટી વહીવટીતંત્ર તેના દાન ભંડોળમાંથી લગભગ એક અબજ ડોલરની ખાનગી ઇક્વિટી વેચીને ભંડોળ એકત્ર કરવાની તૈયારી કરી રહ્યું છે.
ઉલ્લેખનીય છે કે ગયા વર્ષે અમેરિકન યુનિવર્સિટીઓમાં ગાઝા પર ઇઝરાયલના હુમલા સામે અને પેલેસ્ટાઇનના સમર્થનમાં મોટા પાયે વિરોધ પ્રદર્શનો થયા હતા. ટ્રમ્પ વહીવટીતંત્રે આ અંગે નારાજગી વ્યક્ત કરી હતી. ટ્રમ્પ વહીવટીતંત્ર અમેરિકન યુનિવર્સિટીઓમાં આબોહવા પહેલ, ટ્રાન્સજેન્ડર નીતિ અને વિવિધતા, સમાનતા અને સમાવેશ કાર્યક્રમો વગેરે અંગે પણ ગુસ્સે છે અને તેના પર પ્રતિબંધ મૂકવાની માંગ કરી છે. જાકે યુનિવર્સિટીએ આ વાતનો ઇનકાર કર્યો છે. હોવર્ડે એક નિવેદન બહાર પાડીને કહ્યું કે આ પગલું યુનિવર્સિટીની બંધારણીય સ્વતંત્રતા અને સાર્વભૌમત્વની વિરુદ્ધ છે. યુનિવર્સિટીએ પોતાના નિવેદનમાં કહ્યું કે સરકારની આ માંગણીઓ માત્ર કાયદાકીય અવકાશની બહાર નથી પણ અમારી સંસ્થાના મૂલ્યોની પણ વિરુદ્ધ છે. કોઈ પણ સરકાર નક્કી કરી શકતી નથી કે આપણે શું શીખવવું જાઈએ, કોની ભરતી કરવી જાઈએ અથવા આપણે શું સંશોધન કરવું જાઈએ. હાર્વર્ડે એમ પણ કહ્યું કે તે વાતચીત માટે તૈયાર છે પરંતુ કાયદાની બહારના નિર્દેશોનું પાલન કરશે નહીં. આ જ કારણ છે કે ટ્રમ્પ વહીવટીતંત્રે ભંડોળ બંધ કરવાની ધમકી આપી છે અને કેટલાક ભંડોળ પણ બંધ કરી દીધું છે.
રિપોર્ટ્સ અનુસાર, હાર્વર્ડ મેનેજમેન્ટ કંપની, જે યુ.એસ.માં ઉચ્ચ શિક્ષણ માટે દાનનું નિરીક્ષણ કરે છે, તેને જેફરીઝ ફાઇનાન્સિયલ ગ્રુપ દ્વારા સલાહ આપવામાં આવી છે કે સંસ્થાએ તેનો ખાનગી ઇક્વિટી હિસ્સો ઇક્વિટી ફર્મ લેક્સિગ્ટન પાર્ટનર્સને વેચવાનું વિચારવું જાઈએ. અગાઉ એવા અહેવાલ હતા કે હાર્વર્ડ યુનિવર્સિટી વોલ સ્ટ્રીટ પાસેથી ૭૫ મિલિયન ઉધાર લેવાનું વિચારી રહી છે. હાર્વર્ડ પાસે ૫૩ બિલિયનનું ભંડોળ છે, જે અમેરિકન યુનિવર્સિટીઓમાં સૌથી મોટું છે. યેલ યુનિવર્સિટીએ એમ પણ કહ્યું છે કે તે તેના ખાનગી ઇક્વિટી ફંડને વેચવાનું વિચારી રહી છે. તેવી જ રીતે, પ્રિન્સટન યુનિવર્સિટી જેવી ઘણી અન્ય યુનિવર્સિટીઓ પણ આ વિકલ્પ પર વિચાર કરી રહી છે.
