મહારાષ્ટ્રના મંત્રી નિતેશ રાણે પોતાના વિવાદાસ્પદ નિવેદનોને કારણે ઘણીવાર સમાચારમાં રહે છે. હવે તેમનું બીજું એક નિવેદન આવ્યું છે, જેમાં તેમણે ઇસ્લામ ધર્મ અને કુરાન વિશે વાત કરી હતી. રાણેએ કહ્યું કે જે લોકો હજુ સુધી ઇસ્લામને સમજી શક્યા નથી, જેમણે કુરાનનો સાચો અર્થ સમજ્યો નથી, તેમને સુધારવાનો સમય આવી ગયો છે. નાગપુર એરપોર્ટ પર મીડિયા સાથે વાત કરતી વખતે તેમણે આ નિવેદન આપ્યું હતું.
એક પ્રશ્નના જવાબમાં નિતેશ રાણેએ કહ્યું કે તેઓ પોતે ક્યારેય ભ્રષ્ટ નહોતા અને જે લોકો ધર્મ વિશે વાત કરે છે તેઓ ક્યારેય ભ્રષ્ટ નથી બનતા. તેમણે કહ્યું કે તેઓ પોતે એક એવા વ્યક્તિ છે જે હંમેશા સુધારાનો પ્રયાસ કરે છે અને તેનાથી વિપરીત, જેમને ઇસ્લામ વિશે સાચું જ્ઞાન નથી તેમને સુધારવાની જરૂર છે.
આ ઉપરાંત, જ્યારે તેમના સાથી મંત્રી સંજય શિરસાટના શિવસેનાના એક થવાના મંતવ્ય વિશે પૂછવામાં આવ્યું ત્યારે રાણેએ કહ્યું કે આ શિરસાટનો વ્યક્તિગત અભિપ્રાય છે અને તેમણે આ પ્રશ્ન એકનાથ શિંદેને પૂછવો જોઈએ. તેઓ આ વિશે શું વિચારે છે.
અગાઉ, નિતેશ રાણેએ બોર્ડની પરીક્ષા આપતી છોકરીઓ દ્વારા બુરખા પહેરવા પર પ્રતિબંધ મૂકવાનો મુદ્દો ઉઠાવ્યો હતો. નિતેશ રાણેએ આ મુદ્દા અંગે શાળા શિક્ષણ મંત્રી દાદા ભૂસેને પત્ર લખ્યો હતો, જેમાં તેમણે કહ્યું હતું કે પરીક્ષા કેન્દ્રો પર બુરખો પહેરવાથી સુરક્ષા અને છેતરપિંડી સંબંધિત સમસ્યાઓ થઈ શકે છે.
રાણેએ કહ્યું કે ધોરણ ૧૦ અને ૧૨ ની બોર્ડ પરીક્ષા આપતી છોકરીઓને બુરખો પહેરવાની મંજૂરી આપવી જોઈએ નહીં અને જા જરૂરી હોય તો, ચેકિંગ માટે મહિલા પોલીસ અધિકારીઓ અથવા મહિલા સ્ટાફની નિમણૂક કરવી જોઈએ. જા પરીક્ષાર્થીઓને બુરખો પહેરવાની મંજૂરી આપવામાં આવે, તો એ શોધવું મુશ્કેલ બનશે કે ઇલેક્ટ્રોનિક ઉપકરણો કે અન્ય માધ્યમોનો ઉપયોગ છેતરપિંડી માટે થઈ રહ્યો છે કે નહીં.
