એર ઇન્ડિયા એરલાઈન ફરી એકવાર નિશાના પર છે. એનસીપી (શરદ જૂથ)ના લોકસભા સાંસદ સુપ્રિયા સુલેએ ફ્લાઈટના વિલંબ પર નારાજગી વ્યક્ત કરી છે અને સિસ્ટમ પર સવાલો ઉઠાવ્યા છે. તેણે એરલાઇનની જવાબદારી નક્કી કરવાની માંગ કરી છે. સુપ્રિયાએ કહ્યું કે આ ટ્રેન્ડનો એક ભાગ બની ગયો છે અને તે અસ્વીકાર્ય છે.
સુપ્રિયાએ ઠ પર લખ્યું, હું એર ઇન્ડિયાની ફ્લાઈટ એઆઇ૦૫૦૮માં મુસાફરી કરી રહી છું, જે ૧ કલાક ૧૯ મિનિટ મોડી છે. આ સતત ચાલતા વલણનો ભાગ બની ગયું છે, જેના કારણે મુસાફરોને અસુવિધા થાય છે. આ અસ્વીકાર્ય છે. કેન્દ્રીય નાગરિક ઉડ્ડયન પ્રધાન રામ મોહન નાયડુને વિનંતી કરવામાં આવે છે કે એર ઇન્ડિયા જેવી એરલાઈન્સને વારંવાર વિલંબ માટે જવાબદાર ઠેરવવામાં આવે અને મુસાફરો માટે વધુ સારી સેવા સુનિશ્ચિત કરવા માટે કડક નિયમો લાગુ કરવા જોઈએ.
આ પહેલા સુપ્રિયાએ અન્ય એક પોસ્ટમાં લખ્યું હતું કે, એર ઇન્ડિયાની ફ્લાઈટ્સ સતત મોડી થઈ રહી છે. આ અસ્વીકાર્ય છે. અમે પ્રીમિયમ ભાડા ચૂકવીએ છીએ, તેમ છતાં ફ્લાઇટ્સ ક્યાંરેય સમયસર હોતી નથી. વ્યવસાયિકો, બાળકો અને વરિષ્ઠ નાગરિકોપ બધા આ સતત ગેરવહીવટથી પ્રભાવિત છે. હું નાગરિક ઉડ્ડયન મંત્રીને પગલાં લેવા અને એર ઇન્ડિયાને જવાબદાર ઠેરવવા વિનંતી કરું છું.
એર ઇન્ડિયાએ સુપ્રિયાની પોસ્ટ પર સ્પષ્ટતા કરતા કહ્યું, અમે સમજીએ છીએ કે વિલંબ ખૂબ જ નિરાશાજનક હોઈ શકે છે. જા કે, કેટલીકવાર ઓપરેશનલ સમસ્યાઓ અમારા નિયંત્રણની બહાર હોય છે જે ફ્લાઇટના સમયપત્રકને અસર કરી શકે છે. આવી જ સમસ્યાને કારણે આજે સાંજે મુંબઈ જતી તમારી ફ્લાઇટ એક કલાક મોડી પડી હતી. અમે તમારી સમજણની પ્રશંસા કરીએ છીએ.
