મહારાષ્ટ્રમાં ટૂંક સમયમાં વિધાનસભાની ચૂંટણી યોજાવાની છે. તાજેતરમાં કેન્દ્રીય ગૃહમંત્રી અમિત શાહે મહારાષ્ટ્રની મુલાકાત લીધી હતી અને ભાજપ, શિવસેના અને એનસીપીના નેતાઓ સાથે બેઠક કરી હતી. આ બેઠક બાદ એવા અહેવાલો સામે આવી રહ્યા હતા કે નાયબ મુખ્યમંત્રી અજિત પવારે અમિત શાહ પાસેથી મહારાષ્ટ્રના મુખ્યમંત્રી પદની માંગણી કરી હતી. જા કે હવે અજિત પવારે આ દાવાને સંપૂર્ણપણે નકારી કાઢ્યો છે. અજિત પવારે એ વાતને પણ નકારી કાઢી હતી કે ભારતીય જનતા પાર્ટીએ રાજ્યની ૨૫ વિધાનસભા બેઠકો પર મૈત્રીપૂર્ણ લડાઈનો પ્રસ્તાવ મૂક્યો છે.
અમિત શાહ સાથેની મુલાકાત બાદ એવા અહેવાલો આવ્યા હતા કે એનસીપીના રાષ્ટ્રીય અધ્યક્ષ અજિત પવારે મહારાષ્ટ્રમાં બિહાર પેટર્ન લાગુ કરવાની અને વિધાનસભા ચૂંટણી પછી પોતાને મુખ્યમંત્રી બનાવવાની માંગ કરી હતી. એવા અહેવાલો પણ હતા કે ૨૫ બેઠકો પર મૈત્રીપૂર્ણ લડતની દરખાસ્ત કરવામાં આવી છે જ્યાં પક્ષો વચ્ચે ટક્કર છે. જા કે અજિત પવારે આ તમામ દાવાઓને નકારી કાઢ્યા છે.
અજિત પવારે કહ્યું છે કે સીએમ પદની માંગ કે ૨૫ સીટો પર મૈત્રીપૂર્ણ લડાઈના સમાચારોમાં કોઈ સત્ય નથી. અજિત પવારે કહ્યું કે સોમવારે કેન્દ્રીય ગૃહ પ્રધાન અમિત શાહ સાથેની તેમની મુલાકાત દરમિયાન મેં કપાસ, સોયાબીન અને ડુંગળી ઉત્પાદકોની સમસ્યાઓ સહિત ઘણા મુદ્દાઓ પર ચર્ચા કરી. પવારે કહ્યું કે મેં ડુંગળીની નિકાસ પર પ્રતિબંધ ન મૂકવાની અપીલ કરી છે. જા ખેડૂતોને ડુંગળીના વેચાણથી ઉંચો ભાવ મળતો હોય તો તેને મળવો જાઈએ. આ સાથે એમએસપીવધારવા પર પણ વાત થઈ છે.
અજિત પવારે માહિતી આપી છે કે મહાયુતિમાં સીટ વહેંચણીની ફોર્મ્યુલા હજી નક્કી થઈ નથી. પવારે કહ્યું છે કે આ અંગેની માહિતી ફોર્મ્યુલા તૈયાર થયા બાદ આપવામાં આવશે.
