યુપી પોલીસે કન્નૌજ બળાત્કાર કેસને લઈને કડકતા દાખવી છે અને સગીર સાથે બળાત્કારના આરોપી ભૂતપૂર્વ બ્લોક ચીફ નવાબ સિંહ યાદવ પર ગેંગસ્ટર એક્ટ લગાવ્યો છે. નવાબના નાના ભાઈ નીલુ યાદવ અને પીડિતાની કાકી પર પણ ગેંગસ્ટર એક્ટ લગાવવામાં આવ્યો છે. ત્રણેય વિરુદ્ધ સદર કોતવાલીમાં ગેંગસ્ટર એક્ટ હેઠળ કેસ નોંધવામાં આવ્યો છે. નવાબ સિંહ બળાત્કારના કેસમાં ૧૨ ઓગસ્ટથી જેલમાં છે. આરોપી નવાબ સિંહ વિરુદ્ધ ૧૬ અને નીલુ યાદવ વિરુદ્ધ ૧૨ કેસ નોંધાયેલા છે. ૧૨ ઓગસ્ટના રોજ, પૂર્વ સમાજવાદી પાર્ટી બ્લોક ચીફ નવાબ સિંહ યાદવની ૧૫ વર્ષની સગીર છોકરી પર બળાત્કાર કરવાનો પ્રયાસ કરવાના આરોપમાં ધરપકડ કરવામાં આવી હતી. ભાજપે આરોપ
લગાવ્યો હતો કે નવાબ સિંહ અખિલેશ યાદવની નજીક છે. તે જ સમયે, સમાજવાદી પાર્ટીએ સ્પષ્ટ કર્યું હતું કે નવાબ સિંહ ઘણા વર્ષો પહેલા પાર્ટીથી અલગ થઈ ગયા હતા.
પીડિતાની માતાની ફરિયાદ પર, પોલીસે પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સ એક્ટ સહિત સંબંધિત કલમો હેઠળ કેસ નોંધ્યો હતો અને સગીરની મેડિકલ તપાસ કર્યા બાદ તેનું નિવેદન નોંધવામાં આવ્યું હતું. પોલીસે આરોપી નવાબ સિંહ યાદવની કથિત રીતે વાંધાજનક હાલતમાં અટકાયત કરી હતી. નવાબ સિંહ યાદવે આરોપોને સંપૂર્ણપણે નકારી કાઢ્યા હતા અને તેમને તેમની રાજકીય કારકિર્દી ખતમ કરવાનું કાવતરું ગણાવ્યું હતું. નવાબે આરોપ લગાવ્યો હતો કે પીડિતાની માતા પહેલા સમાજવાદી પાર્ટીમાં હતી પરંતુ હવે તે બીજેપીમાં સામેલ થઈ ગઈ છે, જેના કારણે આ ષડયંત્ર રચવામાં આવ્યું હતું. આરોપી નેતાના સમર્થકોએ પોલીસ સ્ટેશનનો ઘેરાવ પણ કર્યો હતો.
ઉત્તર પ્રદેશના કન્નૌજમાં એક વિશેષ અદાલતે શુક્રવારે એક સગીર બાળકી પર કથિત બળાત્કારના કેસમાં પૂર્વ બ્લોક ચીફ નવાબ સિંહ યાદવના ભાઈ નીલુ યાદવને જામીન આપ્યા છે. બચાવ પક્ષના વકીલ રાકેશ તિવારીના જણાવ્યા અનુસાર,પોસ્કો કોર્ટના વિશેષ ન્યાયાધીશ અલકા યાદવે નીલુ યાદવની જામીન અરજી પર સુનાવણી કર્યા બાદ જામીન મંજૂર કર્યા હતા. દરમિયાન કન્નૌજના પોલીસ અધિક્ષક અમિત કુમાર આનંદે કહ્યું કે આ કેસમાં નવાબ સિંહ યાદવ વિરુદ્ધ કોર્ટમાં ચાર્જશીટ દાખલ કરવામાં આવી છે. સમાજવાદી પાર્ટીના પૂર્વ બ્લોક ચીફ નવાબ સિંહ યાદવની ૧૨ ઓગસ્ટે કન્નૌજમાં ૧૫ વર્ષની સગીર છોકરીને નોકરી અપાવવાના બહાને બળાત્કાર કરવાના આરોપમાં ધરપકડ કરવામાં આવી હતી. કુમારે જણાવ્યું હતું કે તેના ભાઈ નીલુ યાદવ સામે બળાત્કાર પીડિતાના સંબંધી પર તેનું નિવેદન બદલવા અને તપાસને પ્રભાવિત કરવા દબાણ કરવા બદલ કેસ નોંધવામાં આવ્યા બાદ તેની ધરપકડ કરવામાં આવી હતી.
