રાજ્યમાં નશાકારક પદાર્થ પર પ્રતિબંધ હોવા છતા પણ અવારનવાર નશાકારક પદાર્થ ઝડપાતા હોય છે. ત્યારે અમદાવાદ એરપોર્ટ બહારથી મોટી માત્રામાં હાઈબ્રીડ ગાંજા ઝડપાયો હતો.ટર્મિનલ-૨ બહારથી ૨ કરોડ ૧૦ લાખનો હાઇબ્રિડ ગાંજા ઝડપાયો હતો. ૭ કિલો હાઈબ્રિડ ગાંજા પોલીસે જપ્ત કર્યો છે.
પોલીસે ૭ આરોપીઓની અટકાયત કરી છે. ૪ શખ્સો વિયેતનામથી આરોપીઓ ગાંજા લાવ્યા હતા. જો કે વિદેશથી ગાંજા દેશમાં ઘુસાડવાનાં રેકેટ અંગે પણ તપાસ હાથ ધરવામાં આવી છે. મળતી માહિતી અનુસાર આ અગાઉ પણ આ રીતે આરોપીઓ ગાંજા લાવ્યા હોવાનો ખુલાસો થયો છે.
બીજી તરફ અમદાવાદના અડાલજ ટોલપ્લાઝા પાસેથી ચરસ ઝડપાયું છે. ૧૦ કિલો ચરસ સાથે ૩ આરોપીની ધરપકડ કરવામાં આવી છે. રાજસ્થાનથી કારમાં ચરસનો જથ્થો લવાતો હોવાનો ખુલાસો થયો છે. સુરૈયાબાનુ, બશીર અહેમદ અને મોહમ્મદ મોહસીન નામના શખ્સોની ધરપકડ છે. તેમજ ગુજરાત યુનિટનું ઓપરેશન હાથ ધર્યું છે.
