છત્તીસગઢના બાલોદમાં એક ભયાનક માર્ગ અકસ્માત થયો હતો. અહીં રાત્રે ૧૨ વાગ્યાના સુમારે કાર અને ટ્રક વચ્ચે જોરદાર ટક્કર થઈ હતી. ટક્કર એટલી જોરદાર હતી કે કારના ટુકડા થઈ ગયા હતા. આ ઘટનામાં ૬ લોકોના ઘટનાસ્થળે જ મોત થયા હતા. જેમાં ૭ લોકો ઘાયલ થયા હોવાની માહિતી મળી રહી છે. જણાવવામાં આવી રહ્યું છે કે કારમાં ૧૩ લોકો સવાર હતા. અકસ્માતમાં ઘાયલ થયેલા અડધા લોકોની હાલત નાજુક હોવાનું કહેવાય છે.
આ કરૂણ અકસ્માતમાં કારને ભારે નુકસાન થયું હતું. અકસ્માતમાં જીવ ગુમાવનારાઓમાં ચાર મહિલા, એક પુરુષ અને એક બાળકનો સમાવેશ થાય છે. અકસ્માત બાદ કારમાં સવાર તમામ લોકો કારમાં ખરાબ રીતે ફસાઈ ગયા હતા અને કલાકોની મહેનત બાદ તેમને બહાર કાઢવામાં આવ્યા હતા. આ પછી બધાને હોસ્પિટલ લઈ જવામાં આવ્યા. પોલીસે તમામ મૃતકોના મૃતદેહને પોસ્ટમોર્ટમ માટે મોકલી આપી આગળની કાર્યવાહી હાથ ધરી છે.
ઈજાગ્રસ્તોને દાઉન્ડી લઈ જવાયા હતા. અહીંથી ઘાયલોની હાલત વધુ ગંભીર હતી. પ્રાથમિક સારવાર બાદ તેની ગંભીર હાલતને જોતા તેને રાજનાંદગાંવ જિલ્લા હોસ્પિટલમાં રિફર કરવામાં આવ્યો હતો. પ્રાપ્ત માહિતી અનુસાર, કારમાં સવાર લોકો નામકરણ સમારોહમાં હાજરી આપીને દાઉન્ડીથી તેમના ગામ ગુરેડા પરત ફરી રહ્યા હતા. ત્યારે આ અકસ્માત ભાનુપ્રતાપપુર-દલ્લી રાજહરા મુખ્ય માર્ગ પર થયો હતો.
દાઉંડી પોલીસ સ્ટેશન વિસ્તાર ચોરહાપાડાવમાં આવે છે. જણાવવામાં આવી રહ્યું છે કે આ દુર્ઘટના ત્યારે થઈ જ્યારે દલ્લીઝારાથી ભાનુપ્રતાપપુર તરફ જઈ રહેલા એક ઝડપી ટ્રકે અન્ય ટ્રકને ઓવરટેક કરવાનો પ્રયાસ કરતા કારને જોરથી ટક્કર મારી. આ પછી આ કરૂણ અકસ્માતમાં ૬ના ઘટનાસ્થળે જ મોત થયા હતા. હાલ પોલીસ અકસ્માત બાદ ફરાર ટ્રક ચાલકને શોધવામાં વ્યસ્ત છે અને આગળની કાર્યવાહી હાથ ધરી છે.
