ભારતની સ્ટાર શટલર પીવી સિંધુ લગ્નના બંધનમાં બંધાઈ ગઈ છે.તેણે ઉદયપુરમાં તેના મંગેતર વેંકટ દત્તા સાઈ સાથે લગ્ન કર્યા. લગ્નના પરંપરાગત પોશાકમાં બંને ખૂબ જ સુંદર લાગી રહ્યા હતા. આ દંપતીએ તેમના પરિવાર અને નજીકના લોકોની હાજરીમાં સાત જીવન સુધી એકબીજા સાથે રહેવાની પ્રતિજ્ઞા લીધી.
કેન્દ્રીય મંત્રી ગજેન્દ્ર સિંહ શેખાવતે સિંધુના લગ્નનો ફોટો શેર કર્યો છે. તેણે લખ્યું- રવિવારે સાંજે ઉદયપુરમાં વેંકટ દત્તા સાઈ સાથે અમારી બેડમિન્ટન ચેમ્પિયન ઓલિમ્પિયન પીવી સિંધુના લગ્ન સમારોહમાં હાજરી આપીને ખુશ. હું દંપતીને તેમના નવા જીવન માટે શુભકામનાઓ અને આશીર્વાદ પાઠવું છું. ગઈકાલે સાંજે ઉદયપુરમાં વેંકટ્ટા દત્તા સાઈ સાથે અમારા બેડમિન્ટન ચેમ્પિયન ઓલિમ્પિયન પીવી સિંધુના લગ્ન સમારોહમાં હાજરી આપીને આનંદ થયો અને દંપતીને તેમના નવા જીવન માટે મારી શુભેચ્છાઓ અને આશીર્વાદ પાઠવ્યા.
સિંધુ અને વેંકટે શનિવારે સગાઈ કરી હતી. વેંકટ હૈદરાબાદનો રહેવાસી છે. તેઓ પોસાઇડેક્સ ટેક્નોલોજીના એકજીક્યુટિવ ડિરેક્ટર છે. વેંકટ ફાઉન્ડેશન ઓફ લિબરલ એન્ડ મેનેજમેન્ટ એજ્યુકેશનમાંથી લિબરલ આર્ટ્સ એન્ડ સાયન્સ/લિબરલ સ્ટડીઝમાં ડિપ્લોમા ધરાવે છે. તેણે ઇન્ટરનેશનલ ઇન્સ્ટીટ્યૂટ ઓફ ઇન્ફર્મેશન ટેકનોલોજી, બેંગ્લોરમાંથી ડેટા સાયન્સ અને મશીન લ‹નગમાં માસ્ટર ડિગ્રી મેળવી.
વેંકટની પ્રોફાઇલ અનુસાર, તેમણે જેએસડબ્લ્યુ સાથે સમર ઇન્ટર્ન તેમજ ઇન-હાઉસ કન્સલ્ટન્ટ તરીકે કામ કર્યું છે. તેણે તેની પ્રોફાઈલમાં એ પણ ઉલ્લેખ કર્યો છે કે તેણે આઈપીએલ ટીમનું સંચાલન પણ કર્યું છે. તેમણે ૨૦૧૯ થી સોર એપલ એસેટ મેનેજમેન્ટના મેનેજિંગ ડિરેક્ટર તરીકે સેવા આપી છે. તે જ સમયે, તેમણે પોસાઇડેક્સમાં એકજીક્યુટિવ ડિરેક્ટર તરીકે પણ કામ કર્યું છે.
આ કપલ ૨૪ ડિસેમ્બરે હૈદરાબાદમાં રિસેપ્શન પાર્ટીનું આયોજન કરશે. સિંધુના લગ્નનો કાર્યક્રમ ૨૦ ડિસેમ્બરે સંગીત સાથે શરૂ થયો હતો. બીજા દિવસે હલ્દી, પેલ્લીકુથુરુ અને મહેંદી હતી. લગ્ન વિશે વાત કરતા સિંધુના પિતાએ કહ્યું હતું કે બંને પરિવાર એકબીજાને સારી રીતે ઓળખે છે, પરંતુ લગ્ન એક મહિનાની અંદર નક્કી કરવામાં આવ્યા હતા. આ જોડીએ ૨૩ ડિસેમ્બરની તારીખ પસંદ કરી કારણ કે સિંધુ આવતા વર્ષથી તાલીમ અને ટૂર્નામેન્ટમાં વ્યસ્ત રહેશે.
સિંધુએ તાજેતરમાં લખનૌમાં સૈયદ મોદી ઇન્ડિયા ઇન્ડિયા ઈન્ટરનેશનલ બેડમિન્ટન ટૂર્નામેન્ટની ફાઇનલમાં ચીનની વુ લુઓ યુને હરાવીને તેના બે વર્ષથી વધુ સમયથી બેડમિન્ટન વર્લ્ડ ફેડરેશન વર્લ્ડ ટૂરનો દુષ્કાળ સમાપ્ત કર્યો હતો. સિંધુએ ૪૭ મિનિટ સુધી ચાલેલી ટાઈટલ મેચમાં લુઓ યુને સતત બે ગેમમાં ૨૧-૧૪, ૨૧-૧૬થી હરાવ્યો હતો. જુલાઈ ૨૦૨૨ માં સિંગાપોર ઓપન ટાઈટલ પછી સિંધુનું આ પ્રથમ બીડબ્લ્યુએફ વર્લ્ડ ટૂર ટાઈટલ હતું. આ બીડબ્લ્યુએફ સુપર ૫૦૦ ટુર્નામેન્ટ હતી. ૨૦૨૩ અને આ વર્ષે તે સ્પેન માસ્ટર્સ અને મલેશિયા માસ્ટર્સની ફાઇનલમાં પહોંચી, પરંતુ ટાઇટલ જીતવામાં નિષ્ફળ રહી.
