મ્યાનમારના એક કૌભાંડ કેન્દ્રમાંથી મુક્ત કરાયેલા ૩૦૦ ભારતીય નાગરિકોને થાઇલેન્ડ થઈને ભારત મોકલવામાં આવ્યા હતા. મીડિયા રિપોર્ટ્સ અનુસાર, આ ભારતીય નાગરિકોને વાયુસેનાના સી-૧૭ ટ્રાન્સપોર્ટ એરક્રાફ્ટ દ્વારા પાછા લાવવામાં આવ્યા હતા. મ્યાનમાર સરકાર ચીની ઓપરેટરો દ્વારા સંચાલિત ગેરકાયદેસર ઓનલાઈન સ્કેમ સેન્ટરો પર કાર્યવાહી શરૂ કરી રહી છે. અહીંથી મુક્ત કરાયેલા લોકોને તેમના દેશમાં મોકલવામાં આવી રહ્યા છે. આ કાર્યવાહીમાં મ્યાનમાર સરકારે લગભગ ૭,૦૦૦ લોકોની ધરપકડ કરી છે.
કેન્દ્રોમાંથી મુક્ત કરાયેલા આ મોટાભાગના લોકો ચીની યુવાનો છે. ચીની યુવાનો મ્યાનમાર-થાઇલેન્ડ સરહદ પર ફસાયેલા છે. આ કેન્દ્રોમાંથી મુક્ત કરાયેલા ૨૬૬ ભારતીય પુરુષો અને ૧૭ મહિલાઓને ભારતીય અધિકારીઓ દ્વારા સાત બસોમાં થાઇલેન્ડ એરપોર્ટ લઈ જવામાં આવ્યા હતા. આ ઉપરાંત, તેમનો સામાન અન્ય ત્રણ બસોમાં લાવવામાં આવ્યો હતો. ભારત સરકારે આ નાગરિકોને પરત લાવવા માટે વાયુસેનાના ઝ્ર-૧૭ ટ્રાન્સપોર્ટ એરક્રાફ્ટને તૈનાત કર્યા છે.
તમને જણાવી દઈએ કે, વિવિધ પ્રકારની લાલચ આપીને, હજારો લોકોને કામ માટે મ્યાનમાર લાવવામાં આવે છે, જ્યાં તેઓ વિવિધ પ્રકારના કપટી કામમાં રોકાયેલા હોય છે. ઘણા લોકોને ખોટા દાવાઓ પર મ્યાનમાર લાવવામાં આવે છે અને અહીં તેમનું શોષણ કરવામાં આવે છે. ૨૦૨૩ ના યુએન રિપોર્ટ મુજબ, ગુનાહિત ગેંગ દર વર્ષે ઓનલાઈન છેતરપિંડી દ્વારા અબજા ડોલર કમાય છે.
દક્ષિણ એશિયાના દેશોએ કૌભાંડ કેન્દ્રો સામે એક વિશાળ ઝુંબેશ શરૂ કરી છે. આ દિવસોમાં થાઈલેન્ડ-મ્યાનમાર સરહદ પર એક મોટું ઓપરેશન હાથ ધરવામાં આવ્યું હતું. થાઈ સરકારે કૌભાંડ કેન્દ્રો હોવાના શંકાસ્પદ વિસ્તારોમાં વીજળી, બળતણ અને પાણીનો પુરવઠો કાપી નાખ્યો હતો.
આ કૌભાંડ કેન્દ્રો ઘણા વર્ષોથી થાઇલેન્ડ અને કંબોડિયા વચ્ચેના સરહદી શહેરોમાં કાર્યરત છે. થાઇલેન્ડમાં કૌભાંડ કેન્દ્રો એક ચીની નાગરિક વાંગ જિંગ દ્વારા શરૂ કરવામાં આવ્યા હતા. તેમણે થાઇલેન્ડના લોકોને નોકરી આપવાનું વચન આપ્યું હતું. આ દરમિયાન, તેનું અપહરણ કરીને મ્યાનમારના એક કૌભાંડ કેન્દ્રમાં લઈ જવામાં આવ્યું. ત્યારથી, કૌભાંડ કેન્દ્રોની તપાસ કરવામાં આવી રહી છે.
