સંખ્યા મહત્વપૂર્ણ નથી, બધા આતંકવાદીઓને એક પછી એક ખતમ કરવામાં આવશે
જમ્મુ અને કાશ્મીરમાં આતંકવાદી પ્રવૃત્તિઓ પર કડક ટિપ્પણી કરતા, વરિષ્ઠ સૈન્ય અધિકારીએ કહ્યું કે બધા આતંકવાદીઓને મારી નાખવામાં આવશે અને આતંકવાદીઓ સામે સેનાનું આ ઓપરેશન ચાલુ રહેશે. કિશ્તવાડમાં સુરક્ષા ટીમની એક પ્રેસ કોન્ફરન્સમાં, આર્મી બ્રિગેડિયર જેબીએસ રાઠી, કમાન્ડર ૫ સેક્ટર આસામ રાઇફલ્સ અને ડીઆઈજી શ્રીધર પાટીલે જણાવ્યું હતું કે સંખ્યા મહત્વપૂર્ણ નથી, જ્યાં સુધી બધા આતંકવાદીઓનો ખાત્મો ન થાય ત્યાં સુધી સેનાનું ઓપરેશન ચાલુ રહેશે. તેમણે મીડિયાને માહિતી આપી કે કિશ્તવાડમાં થયેલી એન્કાઉન્ટરમાં ત્રણ આતંકવાદીઓને ઠાર કરવામાં આવ્યા છે.
આ ઓપરેશન ૯ એપ્રિલે શરૂ કરવામાં આવ્યું હતું અને હવે ત્રણ આતંકવાદીઓને ઠાર કરવામાં આવ્યા છે. તેમણે જણાવ્યું કે આ જમ્મુ કાશ્મીર પોલીસ, સીઆરપીએફ અને સેનાનું સંયુક્ત ઓપરેશન હતું. તેમણે કડક સ્વરમાં આતંકવાદીઓને પડકાર ફેંક્યો અને કહ્યું કે જ્યાં સુધી અહીં છુપાયેલા બધા આતંકવાદીઓને મારી ન નાખવામાં આવે ત્યાં સુધી અમારું ઓપરેશન ચાલુ રહેશે.
જૈશ કમાન્ડર સૈફુલ્લાહ એક વર્ષથી ચિનાબ ખીણ વિસ્તારમાં સક્રિય હતો, જે સેનાના ઓપરેશનમાં માર્યો ગયો છે. તે ખીણમાં ઘૂસણખોરી અને અશાંતિ ફેલાવવામાં સક્રિય હતો. આતંકવાદીઓ પાસેથી સ્૪ રાઇફલ,એકે શ્રેણીની રાઇફલ, હથિયારો અને દારૂગોળો પણ જપ્ત કરવામાં આવ્યો છે. કિશ્તવાડમાં માર્યા ગયેલા આતંકવાદીઓમાં એક જૈશનો કમાન્ડર હતો. સેનાએ ત્રણ આતંકવાદીઓને ઠાર માર્યા હતા. જૈશ કમાન્ડરની ઓળખ સૈફુલ્લાહ તરીકે થઈ છે.
જમ્મુ અને કાશ્મીરમાં આતંકવાદી પ્રવૃત્તિઓ અને અલગાવવાદની ઘટનાઓને રોકવા માટે, સેનાએ દ્ગૐ-૪૪ પર સુરક્ષા વધારી દીધી છે. આ રાષ્ટ્રીય ધોરીમાર્ગ કેન્દ્રશાસિત પ્રદેશના ઘણા ભાગોને જાડે છે. આતંકવાદી પ્રવૃત્તિઓ કરવા માટે શસ્ત્રોની દાણચોરી કરવા માટે આ માર્ગનો ઉપયોગ થાય છે; તેથી, આવા પ્રયાસોને નિષ્ફળ બનાવવા માટે, સેનાએ દિવસ-રાત પેટ્રોલિંગ વધારી દીધું છે. અહીંના સૌથી સંવેદનશીલ વિસ્તારો પર નજર રાખવામાં આવી રહી છે જેથી સુરક્ષામાં કોઈપણ ખામી ટાળી શકાય. દરેક ચેકપોસ્ટ પર શંકાસ્પદ વાહનોની તપાસ કરવામાં આવી રહી છે.
આજે અખનૂર સેક્ટરમાં નિયંત્રણ રેખા પર એક સેનાનો સૈનિક શહીદ થયો.જેસીઓ જવાન કુલદીપ ચંદે આતંકવાદીઓ સાથે લડતા તેમના ઘૂસણખોરીના પ્રયાસને નિષ્ફળ બનાવ્યો. અખનૂર સેક્ટરમાંથી આતંકવાદીઓના ઘૂસણખોરીના પ્રયાસનો ભારતીય સેનાએ યોગ્ય જવાબ આપ્યો. ભારતીય સેના સરહદી વિસ્તારોમાં સતત સર્જ ઓપરેશન ચલાવી રહી છે.
