ઝારખંડ મુક્તિ મોરચાએ ઝારખંડના મુખ્યમંત્રી હેમંત સોરેનને જેએમએમના નવા પ્રમુખ તરીકે ચૂંટ્યા. ઝારખંડ મુક્તિ મોરચાના ૧૩મા મહાઅધિવેશનમાં પાર્ટીના પ્રમુખ તરીકે સેવા આપતા શિબુ સોરેનને હવે પાર્ટીના ‘સ્થાપક સંરક્ષક’ તરીકે ચૂંટવામાં આવ્યા છે.
તમને જણાવી દઈએ કે રાંચીમાં આયોજિત ત્નસ્સ્ના ૧૩મા કેન્દ્રીય સંમેલનમાં આ નિર્ણય લેવામાં આવ્યો હતો. અત્યાર સુધી હેમંત સોરેન કાર્યકારી પ્રમુખ હતા. ઝારખંડ મુક્તિ મોરચા એક પ્રાદેશિક પક્ષ છે અને ઝારખંડમાં સત્તામાં છે. તે કેન્દ્રમાં કોંગ્રેસના નેતૃત્વ હેઠળના ઓલ ઇન્ડિયા એલાયન્સ અને ઝારખંડમાં જેએમએમના નેતૃત્વ હેઠળના મહાગઠબંધનનો ભાગ છે. તાજેતરમાં પૂર્ણ થયેલી ઝારખંડ વિધાનસભાની ચૂંટણીમાં જેએમએમએ જીત મેળવી અને ત્યારબાદ તેના સાથી પક્ષો કોંગ્રેસ, આરજેડી અને ડાબેરી પક્ષો સાથે મળીને સરકાર બનાવી.
ઝારખંડ મુક્તિ મોરચાએ ૩૪ બેઠકો જીતી હતી, જ્યારે તેના સાથી પક્ષોએ ૨૨ બેઠકો જીતી હતી. જેએમએમના સાથી પક્ષોમાં, કોંગ્રેસે ૧૬ બેઠકો, આરજેડીએ ચાર બેઠકો અને સીપીઆઈ-એમએલએ બે બેઠકો જીતી હતી. ભાજપે ૨૧ બેઠકો જીતી હતી, અને તેના સાથી પક્ષો એજેએસયુ, લોક જનશક્તિ પાર્ટી (રામ વિલાસ) અને જેડી-યુએ એક-એક બેઠક જીતી હતી.
નોંધનીય છે કે ઝારખંડના મુખ્યમંત્રી હેમંત સોરેનની કથિત જમીન કૌભાંડ સંબંધિત મની લોન્ડરિંગ કેસમાં ધરપકડ થયા પછી પાર્ટીએ ઘણા ઉતાર-ચઢાવ જાયા હતા, ત્યારબાદ તેમણે રાજીનામું આપ્યું હતું અને ચંપાઈ સોરેનને રાજ્યના મુખ્યમંત્રી બનાવવામાં આવ્યા હતા.
કથિત જમીન કૌભાંડ સાથે જાડાયેલા મની લોન્ડરિંગ કેસમાં ઝારખંડ હાઈકોર્ટ દ્વારા જામીન મળ્યા બાદ, હેમંત સોરેનને લગભગ પાંચ મહિના પછી ૨૮ જૂન, ૨૦૨૪ ના રોજ બિરસા મુંડા જેલમાંથી મુક્ત કરવામાં આવ્યો હતો. ૮ જુલાઈ, ૨૦૨૪ ના રોજ, તેમણે ત્રીજી વખત ઝારખંડના મુખ્યમંત્રી તરીકે શપથ લીધા. આ પગલા બાદ, ચંપાઈ સોરેને ચૂંટણી શરૂ થાય તે પહેલાં જ જેએમએમમાંથી રાજીનામું આપી દીધું અને ભાજપમાં જાડાયા. ૩૧ જાન્યુઆરીએ ધરપકડ પહેલા સોરેને મુખ્યમંત્રી પદ પરથી રાજીનામું આપી દીધું હતું. જાન્યુઆરીમાં એન્ફોર્સમેન્ટ ડિરેક્ટોરેટ દ્વારા તેમની કથિત જમીન કૌભાંડ અને મની લોન્ડરિંગ સંબંધિત આરોપોમાં ધરપકડ કરવામાં આવી હતી.
